හද ලද මිරිඟු ලඳ

4 දැනට තැබූ සටහන්


හිතන්නෙපා, ඔබ, මගේමයි කියා,
හිතන්නෙපා ඔබ මිරිඟුවක් කියා,
හිතන්නෙපා ඔබ, මට දුරයි කියා,
සිතින් ලඳේ, මා ඔබ තුරුලට වෙලා...

හෙමින් බලා ඉඟිබිඟි කලා ඔයා,
දෙතොලඟට වඩා, නෙත් සඟල කතා කලා,
මදනල පවා, දඟකලා, හිනැහුනා,
ඔය නෙතු දිහා බලන්,
කුමරිය මා සැනසුනා...

පැතුමන් පතා, ඔබ මා තුරුලේ හොවා,
හිඳිනා දිනක්, ගැන මසිත කතා කලා,
ඔබ පතමින්, ළතැවෙමින්, මාස සති ගණන් උනා,
අන්සතු වුනු ලඳේ....
ආදරේ බොරුවක් උනා...

හිතන්නෙ නෑ, ඔබ මගේමයැයි කියා,
හිතන්නෙ නෑ, ඔබ මා හැරගියා කියා,
නෑ හිතන්නෙ නෑ...
තවමත් මගේ කියා...
ආදරේ පතන්, ඈ ජීවිතෙන්...
යන්නටම ගියා....

අයියාට ආඩම්බරයි

8 දැනට තැබූ සටහන්

දින කීපයකට පෙර අපෙ නඟා මට ගෙනත් පෙන්වූ, ඇගේම පුංචි පහේ වැඩක් ගැන ලිවීමට කැමැත්තෙමි.
මම බ්ලොගියේ කවියක් ලියන්නේ හිතට එන අයිඩියාක් එවේලෙට කොහේ හෝ කුරුටු ගා, පසුව ඕක හිතුන වෙලාවකට මෙකෙ කොටයි. ඒත් අපෙ නඟාගේ කවියක් මම මීට පෙර කියවා තිබුනේ නැත. ලියා තිබුන දේත් පට්ටය. මෙහෙම දින කීපයක්ම නියම කවි ටිකක් ඈ අතින් ලියවින. මෙයින් හොඳ, පුංචි කවියක් බුකියේ අම්බලම ගෲපියේ ඈ දමා තිබෙනු මම දුටුවෙමි. එය මෙතන ලියා දැක්වීමට මම කැමැත්තෙමි.

තැවි තැවී බර වුණු,
නෙත් කෙවෙනි,
තෙත් කළ,
මගේ සෝ කඳුළැලි,
කඩා හැළෙන විට,
නුඹේ විකසිත,
සිනහ මල් මත,
කියව අසතුටු
වන්ට කාරණ...?

නංගෝ... හරිම ලස්සනයි... :') අයියාට පුල් හැපී!!!

#ෆුල් ආතල් #EpicSinhalaCartoonDubs

17 දැනට තැබූ සටහන්

ට්විටරය පුල් ආතල් බැව් මම කලින් ලිපියකින් සඳහන් කලෙමි. බොයියක් දුන්නේ නැත. ඊයෙ(05.02.2012) රෑත් අපේ එකෙක්ගෙ මොළයේ ස්පාර්ක් ප්ලග් එකක් බුරුල් වී ආ අයිඩියාස් එකක් නිසා පැය ගානක් බඩවල් අල්ලන් හිනා උනෙමු. හිච්චි කාලයේ පටන් බැලූ කාටූන් වලට ඉස්තරම් සාධාරණයක් කොලෙමු. මේ ආතල් සංවාදයේ සුපිරි මතක ටිකක් මම මෙතන කොටා දැක්වීමට හිතුවෙමි.

ඉදිරියට »

හැඬූ දෙව්දුව

1 දැනට තැබූ සටහන්

දෙතොලතර,
සිරගතව ඇත,
සිනහව..

ලොවම නිහඬ, නිසල මොහොතක,
දෙව්දුවක නෙතඟින්,
සැලෙයි මුතු පබළු කැට හඬන...

අමිහිරි මතකයට පිටුපා,
බලාපොරොත්තුවෙන් දල්වා ඈ නෙත්,
ආදරයක රසභාව සිඳුනු,
විරහවෙන් තෙමුනු,
මැලවුන සියුමැලි කොපුල්,
අයදියි සියුම් හාදුවක්,
වියැලුනු දෙතොල් මත...

සිද්ධියේ මුදුනට