Live'12, අපේ වැඩේ බොක්කෙන්ම සාර්ථකය. කිරිකජු කොල්ලන් ටිකක් සැට් වී එළකිරි ගේමක් දුන්නේ, මුලු ගාල්ලම හෙල්ලෙන්ටය. ගිය සෙනසුරාදා(2012.01.14) කරාපිටිය ෆැකල්ටියේ ඔඩිටෝරියම අපි රිච්මන්ඩ් යැයි රැව් දුන් මතකයත් එක්ක හිච්චංකිතර ආඩම්බරයක් හිතේ රඳවාගෙන මේ ලිපිය ලියමි.

මේ ප්‍රසංගයේ අයිඩියාව මම දන්නා තරමින් අපේ චමත් හා විසල් සොයුරන්ගේය. මුන්ගේ music කැසිල්ලට පින් සිද්ධ වන්නට ගාල්ලට එළකිරි ශෝ කෑල්ලක් ලැබින. ඉස්කෝලෙ ජූනියර්, සීනියර් බෑන්ඩ්, choirs එක්කරගෙන ගාල්ල දෙවනත් කලෝය. චමත්, විසල්, ස්වරංග, කාංචන අයියලා, හර්ශ, විශ්ව, මතීශ, හමීඩ්, රනුල්, රජිත, විලේ, මල්ක, හරිත් මල්ලිලා...එකී මෙකී නොකී අම්බානෙක සෙනඟක් සින්දු කියා, වයා සුපිරිම රැයක් නිර්මාණය කලෝය. ආහ් අමතක වුනා, අපේ ක්‍රිස්තුදේව බාලිකාවෙ නංගිලා ටිකක් එලකිරි ඩාන්ස් කෑල්ලලුත් දුන්නා කොල්ලො ටික ඇඹරිලා යන්න! :P එතකොට සංගමිත්තා බාලිකාවේ නංගිලා දෙන්නෙකුත් ගායනයෙන් සහය උනා. මේ ඔක්කොම පටලෝගෙන එළකිරි ගේමක් දුන්නා. හැබැයි වැඩේ ලේසි උනේ නෑ.

කොල්ලො ටික ප්‍රැක්ටිස් උනා ගොඩක් කල් ඉඳන්, ඉස්කෝලෙ හෝල් එකේ උදේ ඉඳන් රෑ වෙනක්න් මුන් මැරීගෙන ප්‍රැක්ටිස් වෙනවා. අපේ ඕශධී මිස්, නිශානි මිස්ලා තමයි මුන් ටිකව ගානට හදලා ගත්තෙ. ඒ අතරම අපෙ වැඩවලට හේමන්ත අන්කල්, වාහල අන්කල් එහෙමත් උදව් උනා.

එහෙනම් මෙන්න අපේ පාට් එක, මොකෝ අපි සින්දු කිව්වයැ! :P අපෙ සජාත් කොලුවා තමයි ට්වෙලයෙ සැරසිලි කටයුතු භාරගෙන තිබුනෙ. ආට් කාරයනෙ එකෙන්ම හදලා තිබුනා logo එකක්. අමිල කොලුවත් ඒ අස්සෙමයි. උන් කියපු විදියට සැරසිලි කටයුතු කොරගෙන යන්න සප් එක දුන්නෙ අපි, අපි කිව්වෙ, මම, එශාන්, රවිඳු, දිල්ශාන්, සුචී, කවිඳු, සඳරුවන්, චරිත්‍රලා තමයි. රිජිෆෝම් වලින් අයිටම වගයක් ගානට කපලා, ශේප් කොරලා, හැඩ කොරලා ගත්තෙ ඔය කස්ටිය තමයි. මේ අතරෙම music, lighting ගැන අපේ රොශාන් කොලුවා බලගත්තා. මෑන්ස්ට ඉතින් ඕවා සිම්පල් ගේම්ස්නේ! :D ආහ්, පොර මේකට එළකිරි intro වීඩියෝ එකක් එහෙම හදලා තිබුනා. එතකොට ට්වෙලය දවසෙ intro එකක් විදියට animation එකක් නිර්මාණය උනා. මේක කරේ රවි, අපෙ හැනිමේශ්න්! :D

එතකොට... ආහ් ඔව්, අරුණ ශාන්ත සිංහලෙනුත්, දිල්හාන් මානවඩු හා ලහිරු ගයාන් ඉංගිරිසියෙනුත් ට්වෙලයෙ announcing වැඩ තිතට කරලා දුන්නා! මේ අතරෙ අපෙ ලයිටින් කස්ටිය M2ලවයි, music කරපු අයියලාවත් මතක් කරන්න ඕනෙ.

ඉතින් කස්ටිය ගජරාමෙට වැඩ කොරන අස්සෙ මම ගත්ත පින්තූර ටිකක් පහලින් දානවා....